اندم صح

اندم على حاجة غلط عملتها،

لكن متندمش الندم اللي يرجعك ورا أو يخليك واقف مكانك! 

اندم الندم اللي ميخليكش تكرر الغلطة تاني ;)

غصة وجع

مرت أيام منذ رأيته ،

 لكنّ صورته تأبى الذهاب ! 
على أحد أرصفة ميدان العباسية كان يجلس
يرقب العابرين بعينين وملامح بائسة،
 وسيجارة - قاتلة - يمسكها بيديه الصغيرتين وأصابعه النحيلة ! .. 
بقوىً خائرة يرفعها إلى شفتيه التي لم تعرف الابتسامة طريقها  
وينفثُ دخانها، حاملًا معه طفولةً تحتضر 
حاملًا معه الرمق الأخير من طفولته ! 

في الحرم المكي

وكانت أحلى " رحلة " خضتها على الإطلاق 

وأحلى سكينة وطمأنينة وراحة نفسية غمرت فؤادي و روحي كانت هناك

وأحلى تعب :)

و أحلى "ساعة نوم" نَعُمتُ بها بعد انتهائي من السعي وعلى جبل الصفا :) 

وأحلى صلاة وقراءة قرآن 

كانت أحلى ذكريات ، وفي المقابل كان أصعب فراق !!  :/ 

آهٍ يا وطن !

بفضل متفائلة ..
وبقول مصر لسه فيها خير وناس كويسة ..
لسه مصر فيها رجالة !!
بس الشارع و الكلية و المواصلات بيقولوا غير كده خالص !!
بيقولوا إن مصر فيها مجتمع موبوء و مريض !!
بيقولوا إن مصر مبقاش فيها حد طايق حد !!
ولا بقى فيها رجالة .. الرجولة في مصر ضاعت !!
بيقولوا إن فيها ناس بتدوس على ناس !!
بيقولوا إن بقى فيها ناس لسان حالهم نفسي نفسي ولا عزاء للطيبين ولا مكان لهم !! 

لو كنت بحبك يا مصر .. فأنا بكره الناس المريضة الي عايشة على أرضك و ترابك .. وبكره المجتمع المتعفن الموبوء اللي بتحتضنيه !!

- إلا من رحم ربي -
ويظل فيه قلة قليلة نادرة خسارة في مجتمع زي ده !!

أحيانًا بيكونوا تركوا لك ذكريات حلوة ، لكن حاضرهم معاك بيمحيها !

:/

وتقريبًا كده البقية المتبقية من الإنسانية في خطر ، و مهددة بالانقراض أيضًا !

فقط ،

"كُنْ إنسانًا.. أو مُتْ وأنتَ تُحاول" !