يومٌ .. مع الأرق

لما تخشي تنامي .. وتغمضي عنيكي .. 

وتلاقيكي مبتناميش .. وتغمضي تاني وبرضو مبتناميش 

بس أنتِ عايزة تنامي فعلًا ! 

وتعدي ساعة و اتنين ... وبرضو منمتيش لسه !! O.o 

وتبدأي تفكري طيب ليه ؟؟! 

وتقولي لنفسك أكيد في حاجة شاغلة عقلك الباطن !! بس إنتي مش عارفة الحاجة دي ..

وهنا تبدأ رحلة البحث عن الحاجة الي شغلاكِ ومش مخلياكِ تعرفي تنامي ! -_-

ولما تركزي مع نفسك تلاقيكي عادي بتفكري في حاجات كتير يعني .. مفيش حاجة معينة شاغلة دماغاك لدرجة إنها متخلكيش تعرفي تنامي !

بس إنتي برضو مش عارفة تنامي ولسه كل ده منمتيش !!

والفجر يأذن وتقومي تصلي وإخواتك الي كانوا نايمين يصحوا يصلوا و يرجعوا يناموا تاني .. وإنتي برضو مش بتروحي في النوم !!

فين وفين وفين و ع الساعة 9 الصبح لما ربنا يكرمك وينزّل عليكِ النوم .. تروحي قلقانة بعدها بـ3 ساعات ومتقدريش تنامي تاني برضو :(

معاناة بجد :( ربنا يرحمنا برحمته